காலங் கடந்த பின்பு…

                                                        (படம்:- நன்றி உயிரோசை)
                                                  

மழலையின் பிறந்த நாளுக்குப்

பரிசாய்க் கிடைத்த பொம்மை

அழுக்காகி விடுமென்று பயந்து

குழவியிடமிருந்து பிடுங்கிக்

காட்சிக்கு வைத்த அம்மாக்களில்

நானும் ஒருத்தி.

பாடம் - கவிதை

பின்னங்கால் நிலத்தில் பதியாமல்

முன்னங்காலை மட்டும் ஊன்றி

தட்டுத் தடுமாறி குழந்தை

நடை பயின்ற வேளை,

கால் தடுக்கி கீழே விழுந்து

அழுத போது

தவறேதும் செய்யாத

தரையை அடித்துச்

சமாதானம் செய்தாள் அன்னை.